عايز تقبض بالدولار ومن البيت وتكون مدير نفسك ومحدش يفضل يقولك تعمل ايه ومتعملش ايه؟
الكلام ده سمعناه الفتره الأخيره وانتشر بشكل كبير اوي وبطرق مختلفة.
وفي ال Post ده هنعرف ايه أصل الموضوع وهل فعلا ينفع اكسب فلوس من على النت وكمان وانا قاعد في البيت ؟!
كل الكلام ده لو عايز تترجمه لمصطلح صح هيبقي ال Freelancing (العمل الحر).
يعني ايه Freelancing وازاي تقدر تستفاد منه وتكسب فلوس لو انت مش عايز يبقي ليك مدير يتحكم فيك ! او حد يقلل من مجهودك او يديك عائد أقل بكتير من اللي انت تستحقه!
بكل بساطه Freelancing او العمل الحر هو إنك بتشتغل عن طريق النت من خلال مواقع مختلفة بتوفرلك العملاء في مجال شغلك بمعني تاني بتبقى زي الوسيط بين اللي طالب الخدمه (العميل) و مُقدم الخدمه (حضرتك)
مجالات مختلفة كتير وخدمات اكتر تقدر تقدمها عن طريق العمل الحر زي مثلا :
•التسويق الإلكتروني.
•إنشاء وتحرير الفيديوهات.
•الترجمة.
•التصميم بأنواعه.
•كتابة المقالات.
•التعليم عن بعد.
وغيرها كتير من الخدمات اللي تقدر تقدمها ولها عدد كبير من العملاء.
سهل إنك تدرس اي مجال من المجالات دي Online وتطور من نفسك وتطور من علمك وتبدأ ال Career بتاعك في مجال مختلف عن دراستك.
الخدمه اللي بتقدمها مش بس بتقدمها للعميل في بلدك لا انت ممكن يبقي ليك عملاء علي مستوي العالم في اكثر من بلد.
يعني من بيتك شغلك يقدر يلف العالم !
شويه مميزات لل Freelancing :
•انت مدير نفسك! محدش بيتحكم فيك.
•العائد المادي لمجهودك انت اللي بتحدده( حسب متوسط سعر الخدمه برضو
).
•بتشتغل من اي مكان (بيتك النادي او ال Cafe).
•بتحدد الوقت اللي تشتغل فيه وعدد السعات المتاحه حسب ظروف يومك.
•تقدر تبقي Freelancer بجانب شغلك الاساسي.
•مش شرط سن معين عشان تبدأ تكسب فلوس من الخدمات اللي بتقدمها. 
•وقتك = مكسب. 
انتطروا Part 2 من ال Post هنتكلم عن :
•نصايح عشان تقدر تبدأ Freelancing.
•اهم مواقع ال Freelancing وازاي توصل لاكبر عدد من العملاء.
•ازاي بتستلم فلوسك من الخدمات اللي قدمتها.
استغل وقتك صح وطور من نفسك دايما ومتضيعش الفرصة
شكراً لمتابعتك لينا